Ljubav&Veze Naš odabir

Manjak želje za seksom: Kada i zašto ljudima dosadi?

Novo istraživanje koje su uradili naučnici sa univerziteta „Southampton“ šokiralo je mnoge. Oni su, naime, napravili anketu sa 4839 žena i 6669 muškaraca od 16 do 74 godine, a tema je bila seks, odnosno kada i kome on dosadi.

Rezultati su pokazali da su žene te kojima seksualni odnosi sa partnerom prije dosade, a neke izgube interes već nakon godinu dana. Razloga je mnogo – rođenje djeteta, čuvanje male djece, umor, svakodnevni stres…

„Manjak želje za seksom može biti posljedica umora, stresa, brige o djeci… Više pogađa žene nego muškarce“, tvrde autori istraživanja i objašnjavaju kako ponekad na to utiču i nedostatak emocionalne bliskosti sa partnerom, loša komunikacija i zdravstveni problemi.

Žene su otkrile da im smeta arogantno ponašanje partnera, njihove tetovaže ili slični ukrasi po tijelu, a neke su navele i loše iskustvo u ranijim odnosima, pa čak i nasilan seks. Čak 34 posto žena kazalo je da nemaju interes za odnosima, a isto tvrdi i 15 odsto muškaraca, pokazalo je istraživanje objavljeno u magazinu „British Medical Journal Open“.